LA UNION – Naggiddan a nangipila iti certificate of candidacy (COC) da incumbent Mayor Arthuro Valdriz ken sigud a La Union ABC President Mannix Ortega idiay opisina iti Commission on Election (Comelec) idiay ili ti San Juan, La Union.
Ni Valdriz ket sumabak para iti mayoralty race, kabayatan a ni Ortega ket iti kina-bise-alkalde iti nasao nga ili.
Kabayatanna, manamnama met a mangipila iti certificate of candidacy na ni incumbent Vice-mayor Miko Magsaysay nga immunan a nangipeksa iti tarigagay nga agkandidato para mayor iti San Juan.
