LA UNION – Naangay iti induction program ti panagsanay para iti Carpentry NC II ken Masonry NC II idi Septiembre 9, 2025 idiay Bacnotan Technical Vocational Institute and Assessment Center a pinasetan dagiti 33 a Bacnotaneans.
Panggep ti programa a maipaayan dagiti participants ti umdas a panakaammo ken panagsagana sakbay a mangrugi iti training babaen ti panangidaulo da Mr. Marlon Verceles (Trainer), Mr. Fidel Engles (Trainer), Mr. Eugene Rivera (Admin Staff), ken Ms. Rochelle Pangilinan (Technical Staff).
Nakipaset met ni Mayor Divine Fontanilla kas panangipakita ti suportana para kadagiti programa a mangipaay ti gundaway kadagiti umili a mapasayaat iti kabaelan da.
Segun ti Tesda, iti panagsanay ti carpentry ken masonry iti manglukat ti ad-ado pay nga oportunidad, saan laeng nga iti lokal a komunidad no di ket iti nalawlawa pay nga industria ti panagibangon.
Kabayatanna, agtultuloy a mangisaysayangkat iti ili ti Bacnotan dagiti aktibidad a makatulong a mangipaay iti trabaho ti tunggal umili ti ili.//Report by Bombo Ericka Quinzon
