Bimmuntog ti 6.2% iti inflation wenno sapasap a panagngato ti presio dagiti magagatang ken serbisio ditoy Pilipinas idi Hulyo 2026, manipud iti 6.4% idi Hunyo, segun ti Philippine Statistics Authority (PSA).
Nupay kasta, agtaltalinaed daytoy a nasursurok ngem iti target ti gobierno a dua agingga uppat a porsiento.
Kangrunaan a rason iti panagbuntog ti inflation iti nababbaba a panagngato ti presio iti sektor ti transportasion no sadino bimmuntog iti annual inflation daytoy ti 11.9% manipud ti 12.8% idi napalabas a bulan.
Nakatulong met iti nabunbuntog a panagngato ti presio iti education, restaurants ken accommodation services.
Kabayatanna, agtaltalinaed iti 5.3% iti food inflation idi Hulyo.
Innayon pay ti ahensia, nakatulong iti nasaysayat a suplay ti bagas iti panagbaba ti binulan a presio daytoy iti laksid dagiti peggad nga ingubuay ti El Niño.
Kabayatanna, agtultuloy met a banbantayan ti gobierno iti garaw ti inflations bayat nga itultuloy ti Bangko Sentral ng Pilipinas iti panagusar ti monetary policy, karaman iti panagngato ti interest rates, tapno malapdan iti panagngato ti presio dagiti magagatang.###
