Aminado ti World Health Organization (WHO) nga agtaltalinaed a narupok ken saan a pantay ti progreso ti sangalubongan a panagsagana kontra pandemya, nangruna ket agtultuloy a maituktukon ti pondo dagiti dadduma a pagilian agturong ti depensa ken seguridad.
Iti maikainnem tawen manipud idi naideklara ti COVID-19 a global health emergency ket impaganetget ti WHO nga addan dagiti addang kas iti Pandemic Agreement idi 2025 ken panagbalbaliw iti International Health Regulations.
Naidatag payen ti Pandemic Fund a nakaipaay ti nasurok $1.2B kadagiti proyekto ti nasurok 90 a pagilian, karaman ti panangpapigsa ti surveillance, laboratoryo, ken workforce training.
Limmawa met ti kapasidad para ti genomic sequencing addan dagiti centers para ti panangaramid kadagiti bakuna ken biomanufacturing tapno masiguro ti patas nga access iti medisina.
Kabayatanna, impaganetget met ni WHO Director-General Dr. Tedros Ghebreyesus a “solidarity is the best immunity” ken nagpanawagan iti natibtibker a kooperasyon iti sangalubongan a lebel.
Laksid dagiti adal iti kallabes a COVID-19, inyunay-unay ti WHO a ti pudno a kinasagana ket agkasapulan ti tuloy-tuloy a panagbantay sakbay pay a mapartuat ti aniaman a pandemya.
