Natay dagiti innem a tattao ken 20 ti nasugatan kalpasan iti napasamak nga uram iti maysa a shopping mall idiay Karachi, Pakistan.
Napasamak iti insidente idi rabii ti Sabado idiay Gul Plaza shopping mall ken dimmanon ti nasurok 10 nga oras tapno naan-anay a makontrol iti nadakamat nga uram.
Kenuna ni South Deputy Inspector General Syed Asad Raza a nairaman dagiti 1,200 a shops nga adda iti mall ken bimmigay pay dagiti sumagmamano a paset ti pasdek.
Maibasar iti umuna nga imbestigasion dagiti otoridad, nangrugi ti uram gapu ti short circuit ti power line.
Agtultuloy iti panangimbestigar dagiti otoridad iti pasamak bayat nga agpapaagas dagiti nasugatan a biktima.###
