Uppat a tripulante ken dua nga Yemeni rescuer iti pimmusay kalpasan a rinaut ti Iran-backed Houthi forces iti Egyptian-owned cargo ship a Tihamah iti Bab el-Mandeb Strait idi Agosto 11.
Tallo kadagiti pimmusay a tripulante ket pasig a Pakistani ken maysa nga Indonesian, bayat a 10 pay dagiti dadduma a nadangran, karaman dagiti pito a crew ken tallo nga Yemeni personnel.
Segun kadagiti Houthis, target da dagiti barko nga adda ti imet na nga alikamen pangmiltar para iti Saudi Arabia, ngem saan pay nga independiente a napasingkedan iti nasao a waragawag.
Kabayatanna, iti naisina nga insidente idiay Gulf of Oman, pinaputukan ti U.S. military iti Panama-flagged container ship a Vela Nova, a maipagarup nga agturong iti Iranian port ken limmabsing iti blockade ti Amerika kadagiti sangladan ti Iran.
Segun ti U.S. Central Command, dua nga Hellfire missile iti nausar tapno agpalya iti steering system ti barko, awan met ti naipadamag a pimmusay iti insidente.
Gapu iti kumarkaro a tension ken dagiti panagraut, agtultuloy a bumabbaba iti maritime traffic idiay Bab el-Mandeb, Red Sea, ken Strait of Hormuz, a napateg a ruta para iti sangalubongan a panagtagilako ken suplay ti enerhiya.###
