LA UNION – Iti pagbaludan ti nagtungpalan iti maysa nga empleyado ti La Union Electric Company, Inc. (LUECO) kalpasan nga inarestar dagiti otoridad iti insayangkat dagitoy a buy bust operation iti igid ti national highway ti Barangay Parian, San Fernando City, La Union.
Iti suspek ket nabigbig iti nagan a Dethlet Hufana, 24, baro, maysa a LUECO inspector/clerk, ken residente ti Barangay Poro ditoy met laeng syudad.
Naamwan ti Bombo Radyo La Union a lima a (5) plastic sachet ti maipagarop a dried marijuana fruiting tops, kabilang iti P500 buy bust money iti kinumpiskar dagiti otoridad nga ikot ti suspek.
Gaputi dayta, sumangsango ita ti suspek iti kaso a panaglabsing iti section 5 and 11 ti RA 9165.
Kabayatanna, nainget a pinaglibakan ti suspek a kukua na dagiti nakumpiskar a droga ngem inaklon a sigud a drug user idi agad-adal pay laeng iti kolehiyo.
