Inwaragwag ti Bangko Sentral ng Pilipinas (BSP) a pagpatpatalinaaden ti Fitch Ratings iti investment-grade credit rating ti Pilipinas iti “BBB,” ngem naibaba iti outlook manipud “stable” agturong iti “negative.”

Segun ti Fitch, iti panagbalbaliw ket gapuanan dagiti global energy shocks ken kumarkaro a peggad. Nupay kasta, manamnama ti 4.6% GDP growth inton 2026, iti laksid ti epekto ti nangato a gastos iti enerhia iti household consumption, bayat a bumawbawi iti public investment.

Kenuna ni BSP Governor Eli M. Remolona, ​​Jr. nga agtalinaed a natalged iti ekonomia gapu ti napigsa a panagdur-as ken nasayaat a kasasaad ti banking sector.

Innayonna nga agtultuloy iti panangmonitor ti BSP iti panagngato ti presio ti langis ken geopolitical developments, partikular ti panagsusupiat idiay Middle East, gapu iti posible nga epekto dagitoy iti implasion ken iti pakabuklan nga ekonomia.

Binigbig met ti Fitch iti napartak a panagsungbat ti gobierno, agraman iti deklarasion ti National Energy Emergency idi Marso.

Segun pay iti report, agtaltalinaed nga umdas iti foreign exchange reserves, a dumanon ti US$106.6 billion iti katapusan ti Marso 2026.

Inpakita ti investment-grade rating iti nababa a credit risk ken agtultuloy nga access iti financing, ngem iti negative outlook ket agserbi a kas pakdaar a kasapulan a mataming dagiti baro a penggad iti credit profile ti pagilian.###