Inlibak ni Iranian Foreign Minister Abbas Araghchi a nagkiddawda ti ceasefire.
Segun kenni Abbas, saanda pulos nga agkiddaw ti aniaman a negosasyon gapu ti inaramid a panagraut ti Israel ken Estados Unidos.
Awan met ti makitada a rason no apay ta kasapulan a makisaritada iti US, agsipudta kabayatan ti panagsaritada idi ket isu met iti kanito a nagdesision ti America nga atakaren isuda.
Innayonna pay a nakasaganada nga idepensa ti bagida manipud iti gubat a pinili ni US President Donald Trump.
Iti sabali a bangir, silulukat ti Iran a makisarita kadagiti pagilian para iti natalged a panaglabasda iti Strait of Hormuz.
Addan dagiti sumagmamano a pagilian nga immasideg kadakuada para iti kinatalged manipud iti aniaman a panagraut kadagiti barkoda.
Impaganetget ti Iran nga awan ti balakda a biagen iti nuclear program.###
