Nagpakdaar ti Islamic Revolutionary Guard Corp (IRGC) ti Iran a balsenda dagiti rimmaut kadagiti energy facilities.
Kinunada nga awan iti nagun-od ti Estados Unidos ken Israel iti panangraut gapu ta agpapada a sibilian dagiti natay.
Inawaganda daytoy nga addang kas kinatakrot.
Saan met a nagkintayeg iti Israel gapu ta agtultuloy iti panangrautda idiay Iran.
Impadamag ti Red Crescent Society a 65 a pagadalan ken 32 a medical facilities iti natamaan idiay Iran.
Maysa laeng daytoy kadagiti 10,000 civilian sites a naapektaran iti awan sarday a panangraut ti Estados Unidos ken Israel.
Inlibak ti US Central Command a puntiriada dagiti sibilian idiay Iran.
Pinasingkedan ti Iran a 104 a tattao iti natay iti panangraut ti US submarine iti warship.
Ti IRIS Dena ket pinattog ti US submarine idiay Indian Ocean idi napalabas a lawas.
Innala met dagiti Sri Lanka Navy dagiti sumagmamano a nakalasat.###
