Inakusaran iti Iran ti Estados Unidos a saan a seryoso kadagiti negosasyon ken agtultuloy a mangar-aramid kadagiti kondisyon, laksid dagiti waragawag seknan iti diplomasya.
Segun kenni Foreign Ministry spokesman Esmaeil Baqaei, saan a mapagtalkan iti Washington, kas maibasar kadagiti nagbalin da nga addang.
“The American side is not serious about negotiations”
Kabayatanna, bimmaba met iti presyo dagiti produkto a petrolyo gapo iti manamnama a panagbaba ti tensyon iti rehiyon, nupay agtaltalinaed a pakaseknan dagiti agdama a panagraut idiay Saudi Arabia.
Bimmaba iti $1.57 wenno 1.35% iti Brent crude futures, bayat a $2.11 wenno 2.04% met iti presyo ti US West Texas Intermediate iti tunggal bariles.
Laksid dagiti panagtarigagay para iti diplomatiko a pannakiballaet, agtultuloy dagiti panagraut kadagiti imprastraktura ti langis iti Saudi Arabia.
Segun iti International Energy Agency, agtaltalinaed a pakaseknan iti suplay ti enerhiya agingga’t saan a maresolbar iti gyera.
