Insapata ti Iran a bumalesda kalpasan a pimmusay dagiti dua a senior leaders iti napasamak nga strikes, bayat nga ikagkagumaan ti Israel a pakapsuten dagiti “power brokers” nga adda iti rehimen ti Iran.
Pinasingkedan dagiti top official iti pannakatay ni Ali Larijani, ken impadamag a bumalesda babaen ti “rapid strike” ken “intense” attacks kontra iti Israel.
Ni Larijani ti kangatuan nga Iranian official a napapatay sipud iti pannakatay ni sigud a Supreme Leader Ali Khamenei iti umuna nga aldaw ti gubat. Napatay met ti Israel iti head ti Basij, a pagbutbutngan a paramilitary force ti Iran.
Kabayatanna, maysa a karit kenni US President Donald iti panagkedked dagiti sumagmamano a kaalyadona a mangipatulod ti warships iti Strait of Hormuz.
Immuna met a naipadamag a nagikkat ni Joe Kent, ti dinutokanna a senior intelligence official gaputi panangkontra iti justification ni Trump iti panangirugi ti gubat.
Segun ti US President, “good thing” iti panagikkat ni Kent gaputa nakapsut kano daytoy iti seguridad.
Pagpanpanunutan met ni Trump iti panagbalin a miembro ti Estados Unidos iti North Atlantic Treaty Organization (NATO) kalpasan ti saanda a panangipaay ti tulong iti gubat wenno iti pakaseknan ti Strait of Hormuz.###
