Nagtulag ti Iran ken America para iti dua a lawas a conditional ceasefire ken panaglukat ti Strait of Hormuz.
Pinasingkedan ti Pakistan iti katulagan ken naawis ti dua a pagilian a mangisayangkat ti dayalogo idiay Islamabad inton Biyernes, Abril 10, para ti conclusive agreement.
Segun kenni Pakistan Prime Minister Shehbaz Sharif, dagos a maipatungal iti ceasefire sumagmamano a minuto kalapsan nga agpaso ti inkeddeng ni US President Donald Trump.
Maibasar iti report ti Iran state media, imbilin ti baro nga Iran Supreme leader kadagiti amin a military units nga isardeng dagiti panagraut.
“This is not the end of the war but all military branches should follow the Supreme Leader order and cease their fire.”
Iti 10-point plan ti Iran, maipagarup nga immanamong ti Eastados Unidos a siguraduen a saan a maulit iti agresyon kontra iti pagilian, agtultuloy a kontrol iti Strait of Hormuz, panangawat ti uranium enrichment, panangikkat dagiti amin a primary ken secondary sanctions, panangwaswas kadagiti amin a resolution ti UN Security Council ken International Atomic Energy Agency, panagbayad ti kompensasyon iti Iran, panagsunod ti US combat forces manipud iti rehiyon ken ti panagsardeng ti gubat iti amin a fronts ti Iran karaman iti Islamic resistance ti Lebanon.###
