Nagmakdaar ni Iranian Foreign Minister Abbas Araghchi a nakasagana ti Tehran a “bumales a sibubukel” maibusor ti Estados Unidos no daytoy ket rumaut manen, kalpasan ti nakaro a panangisayangkat dagiti protesta a nangigubuay kadagiti rinibu a natay.
Rumuar iti waragawag kalpasan a kinansela ti World Economic Forum ti imbitasion ni Araghchi gapu iti panangpapatay kadagiti demonstrador.
Dumanonen ti 4,519 iti natay ken nasurok a 26,300 ti naaresto sipud idi nangrugi dagiti protesta, ti kangatuan a bilang idiay Iran iti las-ud ti adu a dekada.
Inadmitir ni Supreme Leader Ayatollah Ali Khamenei a “sumagmamano a ribu” ti napapatay ken pinabasol da ditoy iti Estados Unidos.
Nagmakdaar pay isuna nga iti posible nga all-out confrontation ket “agsaknap iti rehiyon” ken nakarkaro maiyarig iti namnamaen ti Israel ken Washington.###
