Inwaragawag ti Revolutionary Guard Corps (IRGC) ti Iran nga ikkanda ti “naan-anay a wayawaya ken autoridad” dagiti pagilian idiay Arab ken Europa iti Strait of Hormuz no mapapanawda dagiti ambassador ti Israel ken Estados Unidos.
Inaramid ti IRGC iti waragawag kalpasan iti statement ni U.S. President Donald Trump nga asidegen nga agpatingga idiay Gulf region kas resulta dagiti demonstrasion iti pannakadutok ti baro a Supreme Leader ti Iran a ni Mojtaba Khamenei.
Segun ti IRGC, saanda nga ipalubos iti panag-export ti lana manipud iti rehion no agtultuloy ti military actions ti Estados Unidos ken Israel.
Kinunada met nga isuda ti mangikeddeng iti panagpatingga ti gubat idiay West Asia, ken saan nga iit America.
Ti Strait of Hormuz ket naibilang a maysa kadagiti kapapatgan a ruta ti panag-export ti lana iti lubong, a mangisilpo kadagiti kangrunaan a Gulf oil producers nga agtudong idiay Gulf of Oman ken Arabian Sea.
Kabayatanna, ngimmaton ti krudo iti nasurok a $120 tunggal bariles iti 10 nga aldaw a rinnupak ti Estados Unidos ken ti Israel kontra ti Iran.
Daytoy iti nangpataud kadagiti baro a panagbuteng iti sangalubongan a merkado ti enerhia a dumanon ti $119.50 iti tuggal bariles iti presio ti Brent crude.
Nupay bimmaba iti presio ti nasurok-kumurang $100 idi Martes, nasurok met a 20% ti ngimmatuan daytoy maiyarig iti panagrugi ti gubat idi Pebrero 28.
Marigatan metten dagiti Gulf oil producers gapu kadagiti nadadael a site manipud kadagiti napalabas a panangraut ti Iran.###
