LA UNION – Agkasapolan ita ti adu a nurses ken doctors idiay Ireland iti kangitingitan ti COVID crisis iti intero a lubong.
Daytoy iti kinuna iti Bombo Radyo La Union bayat iti pannakiuman kenni Elza Nagtalon dela Cruz, 63-anyos, ken agpapaay a nurse iti Private Home Care ti nasao a pagilian.
Segun kenni dela Cruz, umaboten iti aganay 21,000 dagiti infected ti virus idiay Ireland, 780 a pasyente iti na- admit iti ospital ken 100 dagiti seriously ill iti ICU.
Manipud iti aganay 20-k a mangbukbukel iti Filipino Community idiay Ireland, adda metten kunana iti maysa a 38-anyos a PInoy iti natay gaputi covid 19.
Gaputa nangato pay laeng kunana iti COVID case idiay Ireland, nailayon ti lockdown agingga May 18.
Ni Elza Nagtalon dela Cruz ket Presidente iti Ilocano Irish Assoiation ken chairman iti Community on Finance of the Filipino Council of Leaders.
