LA UNION -Adda metten iti kabukbukodan a COVID 19 isolation facility ti ili a Pugo, La Union a mabalin a pakaiturongan ken pakatamingan dagiti posible a covid 19 patients.
Base iti opisyal a waragawag ti LGU-Pugo, naisayangkat ti inagurasyon iti baro a pasilidad idi Hunyo 6.
Indaulwan daytoy ni Rev. Fr. Alexander Peralta ken dinar-ayan met dagiti local officials nga indaulwan ni Mayor Priscilla Martin.
Kalpasan iti inagurasyon ken ribbon cutting ceremony, dagus a naisaruno iti pannaka-bendisyon iti barbaro a renovated legislative building.
