Agdama a mangisaysayangkat ti Israel kadagiti precise strikes iti military targets na idiay Iran.
Segun kenni Israeli Defense Forces Spokesperson Rear Admiral Daniel Hagari, dagiti nadakamat nga strikes ket kas sungbat ti sumagmamano a bulan nga nagtultuloy iti panagraut manipud iti rehimen ti Iran ken kalpasan iti panangpatudo da iti agarop 200 a ballistic missiles idiay Israel idi Oktubre 1.
Maibasar iti news agency nga asideg iti Iran Revolutionary Guards, sumagmamano nga military bases iti west ken south west ti kabisera ti Iran a Tehran ket na-target.
Kabayatanna, inlawlawag ti Estados Unidos nga awan ti pakainaigan da kadagiti maisaysayangkat nga strikes ti Israel idiay Iran segun iti maysa nga opisyal manipud US Defense ken kinuna a na-briefing metten iti daitoy a banag da US President Joe Biden ken VP Kamala Harris nga agpada nga agkamkampanya idiay Houston, Texas.
