Agsagsaganan ti Israel para iti dagus a pannakaipatungpal iti umuna a paset ti peace proposal ni US President Donald Trump a panangruk-at kadagiti nabatbati a kautibo nga iggem ti Hamas idiay Gaza.
Inaramid ti opisina ni Israeli Prime Minister Benjamin Netanyahu iti waragawag kasaruno ti nagbalin a sungbat ti Hamas iti singasing ni Trump a situtulokda a mangwayawaya dagiti amin a kautibo nupay nagkiddaw ti negosasyon kadagiti sumagmamano nga isyu a nailatag iti nasao a plano.
Segun iti Hamas, itultuloy da iti sibubukel a kooperasyon iti US President ken ti team tapno magibosanen iti gubat a maitunos kadagiti prinsipio nga inlanad ti Israel ken bision ni Trump.
Kinuna pay ti grupo nga nakasaganadan a sumrek a dagus kadagiti negosasion babaen kadagiti mediators tapno matalantan dagiti detalye maipapan iti panagsingnukat dagiti kautibo ken nakasagana nga ipaima iti panangmanehar idiay Gaza babaen ti maysa a Palestinian Authority of Independents nga maibasar iti Palestinian national consensus.
Iti met statement ti Hamas ket kasaruno ti panawagan ni Trump iti Israel nga isardengen a dago iti panagbomba idiay Gaza tapno maiwayat iti pannakawayawaya dagiti kautibo.###
