Imbida ti Israel a napatay dan ti maysa a nangato a commander a ni Hamas Raed Saad babaen ti maysa a targeted strike idiay Gaza City idi Sabado.
Pagaammo ni Saad a lider ti panagaramid ti armas iti Qassam Brigades, iti militar nga iggem ti Hamas. Maibilang isuna a maysa kadagiti kapatgan a lider ti grupo ken addaan ti dakkel nga akem ti panagraut idiay Israel idi Oktubre 7.
Segun iti Hamas-run Civil Defence, uppat a tattao dagiti pimmusay gapo iti strike ken adu pay dagiti nailista a nadundunor.
Pinasingkedan pay ti lokal nga opisyal ti Hamas a karaman kadagiti napatay malaksid kenni Saad ket ti kadwa na a ni Abu Imad al-Laban.
Imbatad met ti Israel Defense Forces ken Shin Bet a ni Saad ket responsable ti pannakatay dagiti adu a soldado idiay Gaza gapo kadagiti serye ti panagbomba da. Nabayagen a target isuna ti Israel ken sumagmamano a daras payen a nagandat a mapapatay. Maysa kadagitoy ket ti maysa nga operasyon idiay Gaza City idi Marso 2024 a nabaelan ni Saan ti makatakas.
Naangay ti strike iti paset ti Gaza a kontrolado dagiti Palestino a maawagan kas Yellow Line. Daitoy iti nanggudwa ti Gaza kalpasan ti ceasefire nu sadino ket kontroladao met ti Israel iti makin-abagatan a paset.
Ti pannakatay ni Saad ket kasaruno dagiti mailunglungalong a diplomasya babaen ti US-backed peace plan ni U.S. President Donald Trump.
Paset ti plano ti panangipasubli dagiti kinautibo ti Hamas idi Oktubre 7 nga itan ket nakapamaysa iti negosasyon para ti disarmament ken restoration ti Gaza.
