Inwaragawag ti Reporters Without Borders (RSF) a ti Israel ket pimmatay ti kaadwan a periodista wenno journalists ita a tawen 2025, adayo nga ad-adu ngem kadagiti sabali a pagilian.
Gapo iti gera idiay Gaza ket ikonkonsidera ti grupo a dagiti puersa ti Israel iti responsable ti pannakatay dagiti 29 a Palestino a media personnel. Dumanon metten ti pakabuklan a 67 a kameng ti media dagiti napapatay ita laeng a tawen.
Kabayatanna, maikadua met iti listaan ti Mexico kadagiti pagilian a napeggad para kadagiti journalists nu sadino ket siam dagiti napapatay idi tawen 2024; maikatlo iti listaan ket ti Ukraine a tallo a journalist ti napatay iti lugar da ita a 2025; maudi ket ti Sudan, uppat a journalist ti napatay da ita metlaeng a tawen.
Inlista pay ti Reporters Without Borders dagiti journalists a naibalud met gapo iti panagtrabaho da iti media. China iti mangidadaulo a dumanonen ti 121 ti bilang dagiti indetene da. Sinaruno daitoy a pagilian ti Russia (48) ken ti Myanmar (47).
Para ita a bulan ti Disyembre 2025, 503 a journalist ti nakadetene kadagiti 47 a pagilian, 135 dagiti mapukpukaw kadagiti 37 a pagilian, ken 20 ti agdama a nakakautibo.
