Napatay ti Israel iti maysa kadagiti nangangato nga opisial ti Houthi rebels idiay Yemen.
Segun ti grupo, natay gapo iti airstrike ti Israel ni Chief of Staff Muhammad Abd al-Karim al-Ghamari – maysa kadagiti senior military officials ti grupo.
Pinasingkedan met daytoy ti Israel iti nadakamat a panagatake kenni al-Ghamari.
Impasigurado met ti Houthi rebels a bumales da iti inaramid ti nasao a pagilian.
Maipalagip a manon a daras a nangisayangkat ti panagraut iti Israel kadagiti Houthi rebels a maibagbaga a kaalyado dagiti Hamas militants idiay Gaza.###
