Inlawlawag ti Ilocos Training & Regional Medical Center (ITRMC) a dagiti pasyente nga addan ti simtomas iti uyek, gurigor ken panateng ket maipasidongda iti RT-PCR Test.
Daytoy iti kinuna ni Dra. Aurora Valdez, spokesperson ti ITRMC kabayatan iti pannakaiuman ti Bombo Radyo La Union kenkuana.
Segun kenni Valdez, uray no rumuar a negative ti resulta ti test ti maysa a pasyente ngem addaan latta daytoy ti simtomas ket maikonsidera daytoy nga kas probable.
Segun met kenni Dr. Gin Mindigo, medical specialist ti ITRMC, no in general ket saan nga mapalubosan ti bantay iti ospital no Covid positive ti maysa a pasyente numan adda met latta eksemtion daytoy.
Nainget iti pannakasurot kuna ni Dr. Mindigo iti naituding a 12 oras para kadagiti pamilya ti maysa a natay nga pasente ti Covid nga agisagana dagiti dukumentos daytoy.
Inkalintegan pay ni Dra. Valdez nga awan ti kinapudno na nga ar-aramiden nga negosyo dagiti ospital ti Covid 19 agsipudta saan nga kabaelan dagiti healthworkers nga gundawayan iti sitwasyon.
Kinuna a no ti maysa a pasyente a masakit ket maiturong ti ospital ken addaan ti Philhealth ket awan iti bayadan daytoy.
Innayon na pay a transparent ti ITRMC ken saanda a manggun-gundaway.
Maipalagip, inbinglay iti Bombo Radyo La Union dagiti agkabsat a Munar ti Purok 1, iti Barangay Lingsat, San Fernando City, La Union ti kaririknada gapu ti pannakatay ti kabsat dagitoy a ni Dolores a ti findings na iti RT- PCR test ket negative ngem naideklara iti death certificate ti naud-udi ket positive iti Covid 19.
