Limmabesen iti 100,000 iti bilang dagiti tattao nga agtawen ti 100 ken nasursurok pay idiay Japan, a dimmanon ti 107,677 idi Setiembre 1, 2026—ti kangatuan a nairekord sipud idi nangrugi iti estadistika idi 1963.
Segun iti Japan Ministry of Health, Labor and Welfare, nanayunan ti 7,914 iti bilang no idilig idi napan a tawen, ket daytoy ti maika-56 nga agsasaruno a tawen a nakaipasdek ti record high iti populasion dagiti centenarian.
Kaaduan kadagiti centenario ket babbai, a dimmanon iti 94,298 wenno 87.6 percent iti pakabuklan a bilang, idinto nga 13,379 met dagiti lallaki.
Kenuna ni Health, Labor and Welfare Minister Kenichiro Ueno, maragsakan isuna nga adu kadagiti nataengan nga Hapones iti agtaltalinaed nga aktibo iti napaut a panawen ken makatultulong iti komunidad bayat nga umat-atiddog ti healthy life expectancy-da.###
