LA UNION – Naminsan manen a nagballigi iti naisayangkat a Bombo Singing Idol 2018 ti Bombo Radyo La Union iti City Plaza ditoy syudad ti San Fernando, La Union idi rabii.
Naitandudo a kampeon kas Singing Idol 2018 iti adult category, iti jeepney driver a ni Nestor de Guzman, 55, ti Barangay Namboongan, Sto. Tomas; 1st runner-up ni Rhea Mejos ti ili a Bauang; ken 2nd runner-up ni Dionisio Valmores, Jr. ti ili a Bacnotan.
Nangabak met kas Singing Idol 2018 iti kabataan category iti maysa a senior high school a ni Arielamie C. Apalis, tubo ti Bugallion, Pangasinan; 1st runner-up ni Razzel Lyn C. Sibayan ti ili a Bacnotan; ken 2nd runner-up ni Rovy Ann D. Aglosulos ti ili a Bauang.
Dagiti nagkampeon ket immawat ti premyo a P10,000; P7,000 para iti 1st runner-up; ken P5,000 iti 2nd runner-up, kabilang iti certificate of participation kas panangbigbig kadagitoy.
Iti eksklusibo nga interview kenni de Guzman, impeksa na ti ragsak na iti panangabak daytoy ken nagyaman gaputa saan na a namnamaen nga epektibo pay laeng ti talento na nga agkanta ken kabaelan na pay met ti maki-ginniddan kadagiti mas ub-ubing a kumakanta.
Kabayatanna, nagyaman met ni Apalis a naikkan ti gundaway a nabigbig ti laing na a kumanta, nga uray naggapo daytoy idiay Pangasinan.
Mainaig ti daytoy, sumagmamano a gangannaet kadwa da iti asawa dagitoy a Pinay a balik bayan iti nag-enjoy a nagbuya iti singsing contest nga indaulwan ti Bombo Radyo.
Iti Bombo Singing Idol 2018 ket nagbalin metten a paset kadagiti programa ti maika-20 nga anibersaryo iti syudad ti San Fernando.
