LA UNION – Nakoronaan iti pambato ti Australia a ni Jessica Lane kas baro a Reyna ti Aglawlaw, Miss Earth 2024, a naisayangkat idi Sabado idiay Parañaque City.
Inabak ni Lane dagiti 75 a kabalubal na iti kumpetisyon, ken sinukatanna iti Albanian beauty queen a ni Drita Ziri a nangabak idi napalabas a tawen.
Iti umuna a round ti kompetisyon iti Top 20 ket impamatmat ni Lane kadagiti hurado ti energetic a garaw na ken pintas na iti suot daytoy a 1-piece swimsuit.
Iti top 8 announcement ti evening gown competition, ingkawes ti Australian beauty queen iti sky blue metallic a gown a nangparanyag iti kinapintas ti maysa nga Australian beauty.
Daytoy iti umuna a panangabak ti Australia iti nalatak a ‘Big 4 important pageant’ ditoy lubong, a pakaibilangan iti Miss Universe (MU), Miss World (MW), Miss International (MI), ken Miss Earth (ME).
Kabayatanna, tallo pay iti nakoronaan nga elemental queens.
Iti pambato ti Iceland a ni Hrafnhildur Haraldsdóttir iti nangiyawid ti Miss Earth-Air; Miss Earth-Water ni Bea Millan-Windorski ti USA; ken Miss Earth-Fire ni Niva Antezana manipud Peru.
