LA UNION – Nairut a maipatpatungpal dagiti allagaden tapno malapdan iti panagwaras ti coronavirus idiay pagilian a Jordan.
Daytoy iti kangrunaan nga armas ti Jordan tapno ma-contain iti deadly virus.
Iti pannakiuman ti Bombo Radyo La Union kenni International News Correspondent Emily Villanueva, tubo ditoy syudad ti San Fernando, ken agpapaay kas household worker iti maysa nga artista idiay Jordan, kinuna na a nairut dagiti otoridad iti panangipatungpal dagiti allagaden ken awan ti mailaksid iti linteg anya man ti estado ti panagbiag.
Segun kenni Villanueva, maiparit ti agpasyar, awan ti public transportation, ken uppat laeng nga aldaw iti panag-market.
Kinuna pay ni Villanueva nga adu nga OFW iti agrek-reklamo iti annuruten ti POLO-OWWA maipapan iti P10-k a financial aid ti gobyerno ti Pilipinas kadagiti pinoy workers a napukawan ti pagtrabahuan iti abroad, gapu iti kina-adu dagiti sap-sapolen da a requirements ken panagpa-xerox idinto nga awan ti nakalukat ita a photocopying shop.
Ngem maipagarop a saan a kuwalipikado ni Villanueva iti nasao a financial aid gaputa addaan daytoy ti trabaho.
Iti agdama, iti pagilian a Jordan ket addaan laeng ti COVID total cases a 428 ken 7 dagiti natay.
