Dimmanon ti 3.6 billion dollars iti personal remittances dagiti Overseas Filipinos idi Hulio 2026, dua a porsiento a nangatngato no idilig iti kapada a bulan idi napalabas a tawen, segun iti Bangko Sentral ng Pilipinas.
Daytoyen iti kangatuan a monthly personal remittance inflow sipud idi Disiembre 2025, ken nangatngato iti 3.39 billion dollar a nairekord idi Hunio.
Kabayatanna, ngimmato ti 1.9 percent iti cash remittances agingga iti 3.24 billion dollar.
Manipud Enero agingga iti Hulio 2026, ngimmato ti personal remittances iti 2.3 percent iti 22.73 billion dollar, idinto a ti cash remittances ket dimmanon iti 20.39 billion dollar.
Segun ti BSP, agtultuloy a makatultulong dagiti remittances iti pamastrekan dagiti pamilia, konsumo ti sangakabbalayan, ken aktibidad ti ekonomia.###
