Naan-anayen a nagretiro ni nine-time PBA Most Valuable Player June Mar Fajardo iti Gilas Pilipinas kalpasan iti 68-56 a pannangabakda kontra Iran iti FIBA Basketball World Cup 2027 Asian Qualifiers a naangay iti Mall of Asia Arena idiay Pasay City idi Agosto 30.
Pinasingkedan ni Fajardo nga isun ti maudi nga ay-ayamna para iti national team kalpasan iti 13 tawen a serbisio, no sadino nakailista isuna ti innem a puntos ken dua a rebounds iti pito a minuto a panagay-ayam.
Inyawat dagiti kakaduana iti game ball kas pammigbig iti serbisio daytoy kabayatan ti pannakaipaay ti standing ovation ken MVP chants dagiti agbuybuya.
Nakaay-ayam ni Fajardo ti 70 a FIBA senior-level games ken tallo a kampania iti FIBA World Cup, ngem agtultuloy isuna iti professional basketball kadua ti San Miguel Beermen.###
