BR LA UNION – Rinugyan idi kalman, Marso 2, 2026 ti House Committee on Justice nga idaulwan ni Atty. Gerville “Jinky Bitrics” R. Luistro a denggen ken amirisen iti uppat nga impeachment complaint kontra kenni Vice President Sara Duterte.
Segun kenni Luistro, obligasyon ti komite iti sidong ti Konstitusyon a denggen ken pagbobotosan dagiti reklamo ken agsumite ti report idiay Kamara.
Inlawlawag na, a saan pay a natalantan iti merito wenno ebidensiya dagiti kaso, ngem ketdi iti “sufficiency in form” wenno kitaen nu sumur-surot dagiti reklamo iti pormal a rekisito iti Konstitusyon ken allagaden ti Kamara. Kabilang ditoy iti umno a beripikasyon ken panag-endorso.
Pinaglibakan ni Luistro iti waragawag a napag-desisyunan ti Korte Suprema dagiti alegasyon.
Kinuna na, ti nagbalin a ruling ti Korte ket nakasentro laeng iti one-year bar rule ken saan nga iti panangi-keddeng ti linaun dagiti reklamo.
Uppat a nagsisina nga impeachment complaint iti nakapenpen, nga addaan ti nagduduma a bilang dagiti complainant, pinanid, ken artikulo ti impeachment, ken inendorso ti nagduduma a mammanday linteg.
Impaganetget ni Luistro a dumalan iti nainget, patas, ken transparent a proseso ti tunggal reklamo.
Iti agdama, segun kenni Luistro, dua laengen nga impeachment complaint ti nabatbati kontra iti bise presidente, kalpasan a naipa -igid ti immuna ken naibabawi ti maikatlo.
Sakbay a nagbobotosan ti sufficiency in form, naaddaan ti nabara a deliberasyon seknan iti panangsurot ti umuna a complaint iti one-year prohibition period iti konstitusyon.
Iti binnotosan, nagpannuray ti mosyon nga ipa-igid ti umuna a complaint gaputi panaglabsing iti one-year bar rule.
Gaputi dayta, iti nabatbati laengen ket ti maikatlo nga impeachment complaint nga indatag ni Fr. Zabala
ken inyindurso ni Rep. Leila de Lima ken iti maikapat nga indatag ni Atty. Cabrera ken inyindurso da Rep. Benny Abante ken Paolo Ortega.
Iti panagdengngeg idi kalman, agpada a naideklara ti komite a sufficient in form iti maikatlo ken maikapat a reklamo.
Ita nga aldaw, nakatuding a talantanen ti komite iti sufficiency in substance iti dua a nabatbati nga impeachment complaint.
