Dagos a nagmarka iti K-Pop Demon Hunters iti industriya kalpasan a mangabak ti kanta a “Golden” iti 83rd Golden Globe Awards para ti Best Original Song – Motion Picture idi Dominggo (aldaw idiay Amerika).
Ti pannangabak ket kasaruno ti balligi daytoy iti Critics Choice Awards idi napalabas a lawas.
Nangipaay ti emosional nga acceptance speech ni EJAE, iti singer-songwriter a nangboses kenni Rumi iti pelikula kalpasan a linagipna ti sangapulo a tawen a panagregget iti K-pop industry.
Maibasar iti istoryana, nangrugi nga agsanay daytoy kas K-pop idol iti edad a 10, ngem saan isuna a napili nga agdebut kas miembro ti grupo wenno solo artist. Iti maudi ket immalis isuna iti songwriting – maysa a dalan a nangiyeg kenkuana iti balligi ti K-Pop Demon Hunters.
“As a little girl I worked tirelessly for ten years to fulfill a dream, to become a K-pop idol, and I was rejected and disappointed that my voice wasn’t good enough”
“I leaned on songs and music to get through it, so now I am here as a singer and songwriter.”
Pinalpas na iti speech babaen ti maysa a mensahe ti determinasion: “I just want to say this award goes to people who have had doors closed on them, and I can confidently say rejection is redirection. So never give up. It is never too late to shine like you were born to be.”###
