LA UNION – Agtaltalinaed nga awan serrek ti klase ita nga aldaw ti Martes, Agosto 14, 2018 iti kaadwan a pagadalan ditoy La Union.
Base iti anunsiyo ti city government ti San Fernando, iti kanselasyon ti klase ita nga aldaw ket maipatungpal iti amin a tukad ti pagadalan, manipud Preschool agingga kolehiyo, iti agpada a public ken private schools, gaputi agtultuloy a mapas-pasaran a napigsa a panagtudo nga epekto ti agraraira a Habagat.
Nupay kasta, adda latta serrek iti trabaho kadagiti opisina.
Malaksid iti syudad ti San Fernando, awan met ti serrek dagiti agad-adal iti amin a level ti pagadalan idiay ili ti Bauang, Caba, Bagulin, Pugo, ken San Gabriel.
Idiay met ili ti San Juan, Bangar ken Sudipen ket suspendido iti klase manipud Preschool agingga Senior High School.
Iti panang-suspinde ti klase dagiti lokal a gobyerno ket para met laengen iti kinatalged dagiti agad-adal manipud iti posible a peligro a gubway ti agtultuloy a panagtudtudo.
