Imbaga ni Assistant Professor Louie Montemar ti Polytechnic University of the Philippines (PUP), napaay dagiti kaalyado ni Bise Presidente Sara Duterte a makaala ti nalawa a suporta para iti tignay-protesta kontra iti impeachment.
Segun kenni Montemar, a mangidadaulo ti Advocacy Center ti PUP, a saan a nagballigi dagiti panawagan dagiti Duterte supporters a makaur-or ti dakkel a bilang ti tao.
Inkumpara-na daytoy kadagiti dadakkel a tignay-protesta idi People Power Revolution ken EDSA II no sadino napartak a makatignay ti tattao dagiti lider.
Kinuestion na met iti kredibilidad dagiti sumagmamano a politiko a tarigagay nga impluwensiaan iti opinion ti publiko seknan iti impeachment, karaman ni Senate President Alan Peter Cayetano.
Kenuna ni Montemar a naawananen ti moral high ground ni Cayetano kalpasan a mainaig iti maipagarup a “Senate coup” ken ti isyu ni Sen. Ronald “Bato” dela Rosa.
Ni Dela Rosa, a kaalyado ni Duterte ket manamnama nga agbalin nga hukom iti impeachment trial, ket nairaman iti tension mainaig iti imbestigasion ti ICC iti war on drugs.
Maipalagip nga in-impeach ni Duterte gapu iti alegasion ti biddut a panagusar ti ₱612.5 million confidential funds, limed a kinabaknang, panangpasuksok, ken panangipangta kontra kenni Presidente Ferdinand Marcos Jr., First Lady Liza Araneta-Marcos, ken sigud nga Speaker Ferdinand Martin G. Romualdez.
Nainget-na met pinaglibakan ni Duterte dagiti akusasion.###
