Pinagyaman dagiti kabagian dagiti dinukot ti Hamas ni US President Donald Trump gapo iti panagpursige na a gibusan iti gubat idiay Gaza.
Iti maikadua a tawen nga anibersaryo ti panagraut ti Hamas idiay Israel ket nangisayangkat ti panagtitipon dagiti pamilya dagiti kautibo.
Adda ti imet da a karatula a nakalanadan ti panagyaman da kenni Trump ken addaan ti panangipasigurado a maruk-atan dagiti kautibo.
Agtultuloy met iti maisaysayangkat a panagsarita ti Hamas ken dagiti nangibagi ti Israel idiay Egypt para iti peace plan ni Trump a gibusan iti giyera.
Mapatta-patta nga 48 pay a kautibo ita iti iggem ti Hamas ken 20 kadagitoy iti nabiag pay.###
