Impaganetget ni Kabataan Partylist Representative Renee Co nga addaan ti umdas a basaran iti impeachment case kontra kenni Bise Presidente Sara Duterte.
Daytoy ket gapu kadagiti dokumento ken public record a mabalin nga agserbi kas ebidensya.
Iti naisayangkat a Saturday News Forum, kenuna ti mammanday linteg a nupay addaan ti nadumaduma a posisyon dagiti senador no rumbeng nga ituloy wenno saan iti impeachment trial, rumbeng nga agpannuray iti proseso ken panagdingngeg kadagiti alegasyon.
Dinakamat ni Co dagiti sumagmamano nga isyu a nakaipauneg iti reklamo, karaman iti maipagarip a kuestion iti confidential ken intelligence funds, saan a mailawlawag a kinabaknang a dumanon ti ₱6.7 billion, ken panangipangta iti biag da President Marcos, First lady Lisa Marcos, ken sigud nga House Speaker Martin Romualdez.
Segun kenkuana, nalawag nga addaan ti basaran iti impeachment ken rumbeng laeng a madingngeg iti umno a proseso.###
