Arestado idiay Mandaluyong City iti negosyante a ni Lakambini “Lakam” Chiu, kabsat ti aktres a ni Kim Chiu, mainaig ti 124 counts ti qualified theft.
Segun ti Quezon City Police District (QCPD), naarestar ni Lakam idiay Barangay Wack Wack agarup alas-4:06 idi malem kalman, iti bileg ti warrant of arrest manipud ti Quezon City Regional Trial Court Branch 84, nga adda ti nairekomenda a piyansa a 5.838 million pesos.
Nagtaud iti kaso iti maipagarup a pannakapukaw ti nasurok-kumurang 44.4 million pesos manipud iti kompaniada nga House of Little Bunny Philippines Inc.
Agdama nga adda iti kustodiya ti Kamuning Police Station ni Lakam para iti booking ken maitutop a proseso.###
