Opisyalen a binigbig ti Guinness World Records iti Luceros y Penumbras kas kadakkelan a pop-up book iti intero a lubong, a tampok iti panagrambak ti maika-100 nga anibersaryo ti Los Angeles Public Library idiay Estados Unidos.
Naka-display iti libro idiay Richard J. Riordan Central Library ken binukel ti artist a ni Daniel González, katinnulong dagiti paper engineer nga isuda Matthew Reinhart ken Ann Marshall, bayat nga iti aktuwal a nagaramid daitoy ket iti Goodnight & Co.
Addaan daitoy ti sukat a 15.41 by 20.01 feet nu nakalukat, bayat a dumanon met ti 11 kadapan iti kangato dagiti disenyo nu tumpaw iti kada pahina daitoy.
Gapu iti kinadakkel daitoy, kasapulan ti sangapilo a tattao tapnu maiukrad ket maiyalis dagiti pahina ti libro, a nauluan ti Luceros y Penumbras wenno “Starlight and Shadows” iti English translation na.
