SAN FERNANDO CITY, LA UNION – Agtultuloy ti programa a KADIWA sa Lungsod dito’y Siyudad kas paset iti suporta kadagiti lokal a mannalon, mangngalap, ken babassit a negosiante.
Maisayangkat ti KADIWA ditoy Siudad mangrugi ita nga aldaw Hunio 15 agingga 18, 2026 iti Kubo a masarakan iti abay ti City Hall.
Panggepna ti programa a mangipaay kadagiti umili iti pannakagun-od kadagiti presko, de kalidad, ken makabael a lokal a produkto ti agrikultura.
Babaen ti programa, makatulong a mangparang-ay iti pagbiagan ti lokal nga aglaklako ken consumer bayat a masigurado ti nalaklaka a presio dagiti kangrunaan a tagilako para iti publiko.
Indagadag ti gobierno siudad nga agtultuloy a pilyen dagiti umili iti lokal a produkto a mangsuporta iti sektor ti agrikultura ken ti panagdur-as ti lokal nga ekonomia.
Itandudo ti siudad dagiti programa nga addaan panggep a palawaen ti pannakagun-od iti makabael a taraon ken mapatalged ti panagbiag dagiti umili, a maitunos iti tarigagay a maaddaan iti narangrang-ay a komunidad.
Al-allukuyen ti syudad a suportaran iti kastoy a programa a mangipakpakita iti panagkaykaysa ken panagtitinnulong ti tunggal maysa.
Report by:
Bombo Alphea Pasquin
