Nabiagan manen ti pakinakem ti kakabagian dagiti mapukpukaw a mammallot gapo kadagiti rebelasyon ni alias Totoy manipud iti pannakitaripnong da iti Department of Justice mainaig ti kaso.
Kalpasan ti aganay uppat a tawen a pannakapukaw da ket adda itan ti panagrang-ay wenno case buildup a mabalin a mangipaay kadakuada ti hustisya.
Kalpasan met ti panagtaripnong iti DOJ ket emosyonal met nga impanawagan ken kiniddaw dagiti kakabagian nga uray bangkay lattan iti makita dagiti otoridad.
Iti agdama ket agtultuloy latta ti imbestigasyon, nangruna ita a nangipila metten ti kaso iti maitudtudo a mastermind a ni Charlie “Atong” Ang kas epensa iti bagbagi na.
