LA UNION – Pagsagsaganaanen ni PO2 Miguelito Caranza iti Burgos Police Station ti pannakipasetna iti Ultra-Trail du Mont-Blanc (UTMB) idiay France a maangay inton bulan ti Agosto.
Daytoy ket kalpasan a naan-anayen a na-qualify iti nadakamat a trail running marathon ni Caranza ken naituding nga agparehistro iti pasalip ita a bulan.
Kagiddan daytoy ket umap-apela met iti suporta ni Caranza kadagiti kakaduana iti law enforcement nangruna iti panagsanay daytoy sakbay ti pasalip.
Ti trail running marathon idiay France ket pasetan dagiti tumataray manipud iti naduma-duma a pagilian ken tarayenda ti 170 km a terrain.
