Inbinglay ni House Speaker Ferdinand Martin Romualdez nga agsagsaganan iti Kamara de Representantes tapno mangipila iti motion for reconsideration para iti desisyon ti Korte Suprema a nagdeklara iti impeachment complaint kontra kenni Vice President Sara Duterte.
Sakbayna ket dinisesyonan kas unconstitutional ti nakangatngato nga hukom ti reklamo kontra iti bise presidente. Iti biang dagiti mahistrado, nalabsing ti Kamara iti one-year ban iti impeachment proceedings.
Kinuna da a saan a nasurot iti due process, karamanen iti karbengan a mangngeg ni VP Sara iti reklamo sakbay a maipatulod idiay Senado.
Nupay naibasura iti agdama nga impeachment, inlawlawag met ti Korte Suprema a mabalin manen a mapilaan iti reklamo ti Bise Presidente kalpasan ti maysa a tawen.
Segun met kenni House spokesperson Princess Abante, ti panangipila ti mosyon ket paset iti mandato a salakniban iti Konstitusyonal a bileg ti Kongreso iti panangisayangkat ti impeachment.
Kabayatanna, impeksa met dagiti sumagmamano a mamanday-linteg kas ni Senador Francis “Kiko” Pangilinan iti panangusar ti Doctrine of Operative Facts kas argumento iti mosyon.
Panggep daitoy a bigbigen ti epekto iti impeachment sakbay pay a naideklara kas unconstitutional ken paregtaen ti Korte Suprema nga adalen manen iti nasao a desisyon.
