BR LA UNION – Naawaten ti Kamara ti kopya ti petisyon nga inpila ti kampo ti Bise Presidente tapno kuwestiyunaran ti impeachment proceedings ket imbaga ni House Majority Leader Jill Bongalon, nga adalen iti aramidenda.
Siniguro dagiti miyembro ti 11-man House prosecution team a pakaibilangan da Rep Rodge Gutierrez, Rep. Ysabel Maria Zamora ken Jill Bongalon a nakasagana iti House prosecution team nga idatag ti kaso kontra kenni VP Sara apaman nga ag-convene ti Senado tapno mangrugin ti panagusig.
Segun met kenni House Secretary General Reginald Velasco, iti Office of the Solicitor General iti counsel ti House of Representatives seknan iti petisyon nga impila ni VP Sara idiay Supreme Court.
Binilin met ti Supreme Court iti House of Representatives a mangipaay ti komento seknan iti indatag a petisyon ni VP Sara a was-wasen iti impeachment complaint.
Kinuna ni Velasco a nalpasen a mai-refer iti Solicitor General ti nasao nga asunto.
Kabayatanna, consistent iti posisyon ni President Bongbong Marcos a saan a makibiang iti impeachment process ti Kamara kontra kenni Vice President Sara Duterte.
Segun met kenni 1-Rider Partylist Representative Rodge Gutierrez, a maysa kadagiti miyembro ti 11-man House prosecution team, iti responsibilidad nga ag-convene kas impeachment court ket nakasadag idiay Senado, maiyannurot iti konstitusyon.
