Nakasaganan ti Kamara de Representantes para iti formal turnover ti gakat a 2026 National Expenditure Program (NEP) manipud Department of Budget and Management (DBM).
Daitoy ti pinasingkedan ni House Secretary General Reginald Velasco kasaruno ti pannakitaripnong na kadagiti opisyales ti Kamara ken dagiti mangibagi manipud DBM. Nadakamat dagitoy dagiti detalye ti turnover a nakatudong a maisayangkat inton Agosto 13.
Segun pay kenni Velasco, napataeg a naurnos ti pannakaisayangkat ti panangisubmitir ti ehekutibo iti proposed national budget idiay Kongreso.
Maibasar iti intuding ti Konstitusyon, rumbeng a mangisubmitir iti Presidente ti singasing a pondo iti uneg ti 30 nga aldaw manipud iti panaglukat ti regular a sesyon ti Kongreso.
