Inyunay-unay manen ti Kamara iti tignay da a saan da nga agtalna lattan iti nagbalin a desisyon ti Korte Suprema seknan ti deklarasyon nga unconstitutional ti impeachment complaint nga impila da kontra kenni Bise Presidente Sara Duterte.
Karaman iti mensahe ni House Speaker Ferdinand Martin Romualdez ti panangipila iti motion for reconsideration tapno baliwan iti immun-una a desisyon ti Korte Suprema.
Kinunana nga adda iti biddut ti nagbalin a panagbasa ti linteg ti Korte Suprema ken daitoy ket mailabsing iti Konstitusyon ti Pilipinas.
Segun kenni Romualdez, daitoy nga aksyon ket saan met a laban kontra kadagiti dadduma nga institusyon, nu ketdi ket panangsalaknib laeng kadagiti karbengan dagiti umili a pagsungbaten dagiti opisyales ti gobierno gapo kadagiti saan a napintas nga aramid da.
Impunto na pay nga tinungpal ti Kamara iti nakailanad ti Konstitusyon, partikular ti panangiyendoros ti reklamo kontra iti Bise Presidente.
