Niratipikaran ti Kamara de Representantes ken Senado iti bicameral conference committee report para iti P6.7-trillion national budget inton 2026.
Insayangkat ti Kamara ken Senado iti ratipikasyon idi kalman, Lunes, Disyembre 29, 2025.
Immunan a napirmaan iti bicameral report dagiti nangibagi manipud iti dua a kongreso idi Disyembre 28, 2025 idiay PICC, Pasay City.
Kalpasan ti ratipikasyon, maipasa iti enrolled bill idiay Malacañang tapnu pirmaan ni Presidente Ferdinand Marcos Jr. inton Enero 5, 2026.
Daitoyen iti kadakkelan a badyet iti pakasaritaan ti pagilian, nga addan ti tarigagay a pondoan dagiti kangrunaan a programa iti imprastruktura, edukasyon, ken serbisyong panlipunan.
