Kasaruno ti pannakarambak ti maika-121 a tawen ti Bureau ng Internal Revenue (BIR), binigbig ni Commissioner Romeo Lumagui Jr. dagiti kameng ti ahensya nga adda iti likudan ti nangato a revenue collection.
Kinuna ni Lumagui, saan laeng iti nabayag a tawen a panagserbi ti maramrambakan iti okasyon nu di ket uray dagiti tao a nagtultuloy kadagiti karit ti agbalbaliw a panagkoleta ti buis.
Uray ni Finance Secretary Ralph Recto ket nangibinglay met ti pammadayaw na para iti kritikal nga akem dagiti BIR personnel tapno agtultuloy ti panagrang-ay ti Pilipinas.
Para ti umuna a paset ti tawen 2025 ket ngimmato ti koleksyon ti buis iti 14.11% wenno katupag ti 1.55-T manipud idi Enero agingga Hunyo.
Aganay P8.6B ti inaldaw-aldaw a kasapulan a makolekta nu kasta ket masuportaran ti pagkasapulan ti national government.
