Nagriri iti defense counsel a ni Atty. Justin Nicol Gular kalpasan a kinuna ni private prosecutor Atty. Erwin Matib a kanayon a mangabak ni Bise Presidente Sara Duterte kas direktor ti maysa a partikular a kompanya.
Nangrugi iti tensyon idi damagen ni Matib iti testigo a ni Atty. Gerardo Del Rosario manipud Securities and Exchange Commission (SEC) seknan iti proseso ti panagpili dagiti agbalin a miembro ti board of directors.
Segun kadaitoy ket pormal a pagbotbotosan dagiti shareholders ti agbalin da a direktor.
Innayon ni Matib nga arig na tinawen iti eleksyon ken kanayon a mangabak iti Bise Presidente iti posisyon ti nasao a korporasyon, nu sadinno ket dagos a kinontra iti depensa.
Impaganetget ni Gular nasken nga agtaud iti testigo ti ebidensya ken saan a kadagiti konklusyon wenno opinyon dagiti prosekusyon kabayatan iti panagdamag.
Gapo kadaitoy ket kiniddaw iti defense team nga i-strike iti official record dagiti konklusyon ni Matib seknan iti kinapudno ken iti linteg, a kunada ket waragawag nga awan iti direkta a pagbasaran na manipud iti testigo.
