Impilan ni Atty. Ernest Levanza, legal counsel ni sigud a Department of Public Works and Highways engineer Brice Hernandez iti petisyon a ‘writ of amparo’ iti maysa a korte idiay Pasay kalpasan a maiyalis iti city jail.
Segun kenni Atty. Ernest Levanza, ti petisyon a naipila iti Branch 12 ti Pasay Regional trial Court ket tapno kiddawen iti ‘temporary protection order’ ken tapno maipasidong ni Hernandez iti witness protection program.
Impaganetget na a saan nga akusado wenno convicted iti aniaman a kaso ni Hernandez isuta kwinestionaran na iti panakaiyakar ti kliyente na idiay Pasay City Jail.
Innayon na pay a makaaw-awaten ti pangta ni Hernandez kalpasan dagiti nagbalin a rebelasyon na iti panagdingeg ti House of Representatives, ken kimmaro idi innaganan na dagiti dua a senador a maipagarop a karaman kadagiti maanomalya a flood control projects.###
