Kiniddaw ti legal team ni sigud Presidente Rodrigo Duterte iti International Criminal Court (ICC) nga itantan ti agingga 19 a bulan iti panagrugi ti trial proceedings kalpasan iti confirmation of charges idi Abril 23, 2026.
Iti filing ti baro a lead counsel ni Duterte a ni Peter Haynes iti ICC Trial Chamber III, kenunana a kasapulan-da ti kanayunan a panawen tapno makapagsagana iti kaso.
Dinakamat met ni Haynes nga adda dagiti immuna a kaso iti ICC a nairugi 14 agingga 19 a bulan kalpasan ti confirmation of charges.
No mapalubusan, mabalin a maiyakar iti trial iti nagbaetan ti Hunyo ken Nobyembre 2027.
Misupadi daytoy iti kiddaw ti prosekusion a rugyan iti trial inton Nobiembre 30, 2026.
Tinakderan met ti depensa nga “inappropriate” pay nga ikeddeng ti petsa gapu ta adda dagiti saan pay naresolba nga isyu a mabalin a makaapektar iti panagusig.
Segun kenni Haynes, rumbeng pay nga ammuen ti Trial Chamber no “fit” a sumango iti trial ni Duterte. Nupay saan a bigbigbigen ti depensa iti naisayangkat nga health assessment bayat ti pre-trial phase, kenunana nga agtultuloy iti panagkaro ti kondision ti sigud a presidente isu a kasapulan a makita daytoy a naimbag.###
