Kiniddaw ti kampo ni sigud a Presidente Rodrigo Duterte iti International Criminal Court (ICC) a mangisagana ti independent medical report tapno paneknekan nga awanan isuna ti pisikal wenno kognitibo nga abilidad a tumakas wenno manglapped iti hustisia.
Segun iti mosion a naipila idi Disiembre 19, impaganetget ti depensa nga iti salun-at ni Duterte ket kumarkaro, maibasar iti report i maysa nga independent medical panel a nangiladawan kenkuan kas “nataengan, narupok, ken saan a mailawlawag a panagbaba ti timbang.”
Kiddaw ti depensa iti Pre-Trial Chamber a bilinen iti medical panel a sukimaten no iti agdama a cognitive condition ni Duterte ket kabaelanna a tumakas, mangbutbuteng, wenno agaramid ti krimen.
Dinakamat met ti depensa a saan pay a napalubosan ni Duterte a makipaset iti aniaman kadagiti aniaman nga status conference ti korte, a mabalin a nakatulong kadagiti hues a mangtingiting iti kondisiona.
Naipila iti nasao a kiddaw iti laksid ti nasapsapa a panangtingiting tiindependent medical panel a nangkonklusion nga uray “nakapsot ken nataengan” ni Duterte ket mabalin pay laeng a makipaset kadagiti court proceedings mainaig iti sangsanguen na a crimes against humanity kabayatan ti war on drugs iti sidong ti administrasionna.#
